Алишер Навоий таваллудининг  560 йиллиги ва вафотининг 500 йиллиги муносабати билан ўтказилган анжуман материаллари. Анқара-2004. ТУРКИЯДА НАВОИЙ ТАДҚИҚОТЛАРИ-12

15.01.2024

Н.ҲАСАНОВ

Алишер Навоий таваллудининг 560 йиллиги ва вафотининг 500 йиллиги муносабати билан ўтказилган анжуман материаллари.

24-25 сентябрь 2001. Анқара: Турк тил қуруми нашрлари, 2004.

Алишер Навоий ҳаёти, ижодиёти ва шахсиятига бағишланганушбу китобда навоийшунос олимлардан Ойша Денгиз Абиқнинг “Хамсатул мутаҳаййирин” (5-14 бетлар), Камол Эраслоннинг “Навоий ва танқид” (15-18 бет), Суйима Ғаниеванинг “Навоий насрининг беш хусусияти” (19-24 бет), Мустафо Эсеннинг “Турк биография анъанасида Алишер Навоийнинг ўрни” (25-32 бет), Метин Қараўрснинг “Наводируш-шабоб” Навоийнинг иккинчи девони” (33-48 бет), Зигрид Клейнмишелнинг “Навойи бенаво Алишер Навоийнинг шеърлари ҳақида баъзи фикрлар” (49-55 бет), Темур Хўжаўғлининг “Алишер Навоийнинг туркий ундошларга доир изоҳлари (ёпиқ “э”, “и” масаласи)” (57-128 бет), Усмон Фикри Сертқоянинг “Усмонли шоирларида Алишер Навоий тарзи ва Навоийга Анатолияда ёзилган назиралар” (129-140 бет), Фикрат Туркманнинг “Халқ адабиётида Алишер Навоийга доир ривоятлар” (141-152 бет), Эртуғрул Яманнинг “Алишер Навоийда тил идроки” (153-167 бет) каби мақолалари ўрин олган.

*    *    *